mA: Oans-zwoa-drei – pack ma’s“ gegn „Te Es Vau“

Desmoi kimmd da Bericht auf boarisch, schließlich san de Buam middn in Obabayern. Letzte Woch war’s guad ausganga, heid schau ma moi. Gäd scho guad o: oans – nui nach dreissg Sekundn. Da Felix, de Vastärkung aus da B-Jugend, schlogd glei dreimoi hintaranand zua. De Gegna treffan entweda as Tor ned oda da Flo fangt de Bälle aus da Lufd, wia wenna drei Arm häd. De Ismaninga bleim dro, san in da Obwehr saustark und gengan mit nein Tore Voasprung ind Hoibzeid.

Zwoade Häifdn. Es laffd guad fia de Ismaninga, wenn a nimma so zwingend wia in de ersdn dreissg Minudn. Da Trainer is lautstark bei da Sach und lassd si a duach a gejbe Kartn ned ausm Gleichgwichd bringa. Am Flo wachsd jetz a no a dridda Fuaß. Da Obstand zu de Mainbuaga bleibd stabil, a wenn de Buam füfmoi zwoa Minudn auf da Bank gsessn san. Guad is ganga! Simazwanzg zu achdadreissg (27:38) hams gwunna – Gratulation! Weida so!

Spielbericht: Arno Helfrich

Link zum nuLiga-Spielbericht

Es spielten:

Tabelle: